అనుష్క సినిమాలు బాగా తగ్గించేసింది. సమంత అడపాదడపా సినిమాలు చేస్తోంది. వీళ్లిద్దరూ స్టార్ హీరోలకు దూరమయ్యారు. మరోవైపు శ్రీలీల సక్సెస్ లు లేక స్థావరం మార్చుకునే పనిలో ఉంది. మీనాక్షి అందరికీ కాల్షీట్లు కేటాయించలేకపోతోంది. ఇక తమన్న, రకుల్, పూజాహెగ్డే, కృతి శెట్టి లాంటి హీరోయిన్లు ఎప్పుడో దూరమయ్యారు.
సరిగ్గా ఈ గ్యాప్ ను భర్తీ చేసేందుకు వెండితెరపైకి దూసుకొస్తున్నాయి అందాల కెరటాలు. అందంతో పాటు నటనతో కూడా ఇండస్ట్రీ ఆకర్షిస్తున్నాయి.
ఈ లిస్ట్ లో తాజా సెన్సేషన్ మానస వారణాసి (Manasa Varanasi). కపుల్ ఫ్రెండ్లీ అనే సినిమాతో మెరిసిన ఈ ముద్దుగుమ్మపై ఇండస్ట్రీ కన్ను పడింది. ఆ సినిమా రిజల్ట్ సంగతి పక్కనపెడితే, మానస మాత్రం తన లుక్స్, పెర్ఫార్మెన్స్ తో బాగానే ఆకర్షించింది. ప్రస్తుతం ఆమెపై ఎంక్వయిరీలు జోరుగా సాగుతున్నాయి.
ఇక మరో ముద్దుగుమ్మ కాయదు లోహర్ (Kayadu Lohar). ఓ ఫ్లాప్ సినిమా చేసి ఇండస్ట్రీని ఆకర్షించిందంటే ఈమె టాలెంట్ ను అర్థం చేసుకోవచ్చు. ఫంకీ సినిమాలో హీరోయిన్ గా నటించిన ఈ బ్యూటీ, ప్రస్తుతం నాని సరసన ‘ది ప్యారడైజ్’ సినిమాలో నటిస్తోంది. అటు తమిళ సినిమాలతో కూడా బిజీగా ఉంది. రాబోయే రోజుల్లో మరిన్ని తెలుగు సినిమాలు క్యూ కట్టబోతున్నాయి.
మరో హీరోయిన్ పేరు ప్రీతి ముకుందన్ (Preity Mukundhan). ఈమెది కూడా ఫ్లాప్ ఎంట్రీనే. అయినప్పటికీ అవకాశాల వేటలో మెల్లమెల్లగా ముందు వరుసలోకి వస్తోంది. ప్రస్తుతం సితార బ్యానర్ పై ఓ సినిమా చేస్తోంది. త్వరలోనే బాబి దర్శకత్వంలో చిరంజీవి సినిమాలో నటించబోతోంది. అన్నీ అనుకున్నట్టు జరిగితే సాయిదుర్గతేజ్ సినిమాలోకి కూడా ఎంటర్ అవుతుంది.
శివానీ నగరం (Shivani Nagaram) కూడా ఇప్పుడిప్పుడే అవకాశాలు అందిపుచ్చుకుంటోంది. లిటిల్ హార్ట్స్ సక్సెస్ తో ఊపుమీదున్న ఈ బ్యూటీ, హే భగవాన్ సినిమాతో సిల్వర్ స్క్రీన్ పైకి వచ్చింది. మరో 2 తెలుగు సినిమాలు, 2 తమిళ సినిమాలు లైన్లో పెట్టింది. ఇలా తెలుగుతెరపై కొత్త అందాలు చాలానే దూసుకొస్తున్నాయి.
