Telugu Films and Feb 2026 BO reort: ఫిబ్రవరిలో అటుఇటుగా 23 సినిమాలు (రీ-రిలీజెస్ తో కలిపి) విడుదలయ్యాయి. సంక్రాంతి తర్వాత మెరుస్తుందని భావించిన బాక్సాఫీస్ ఫిబ్రవరిలో కూడా వెలవెలబోయింది. ఉన్నంతలో ఒకే ఒక్క సినిమా ఓకే అనిపించుకుంది. ఆ 20 సినిమాలేంటి.. ఫర్వాలేదనిపించుకున్న ఆ ఒక్క సినిమా ఏంటి? ఫిబ్రవరి బాక్సాఫీస్ రివ్యూ
ఫిబ్రవరి మొదటివారంలో.. ఏకంగా 8 సినిమాలు రిలీజ్ అయ్యాయి. వీటిలో కాస్త చెప్పుకోదగ్గ రేంజ్ సినిమా, ప్రచారం గట్టిగా చేసిన సినిమా ‘యుఫోరియా’. ‘శాకుంతలం’ తర్వాత గుణశేఖర్ డైరక్ట్ చేసిన సినిమా ఇది. ఓ మోస్తరు అంచనాలతో వచ్చిన ఈ సినిమా ఈ దర్శకుడికి కలిసిరాలేదు. యూత్ ను టార్గెట్ చేస్తూ, తల్లిదండ్రులకు సందేశమిస్తూ తీసిన ఈ సినిమా జనానికి నచ్చలేదు.
ఇదే టైమ్ లో ‘బరాబర్ ప్రేమిస్తా’ సినిమాపై కూడా కాస్త చర్చ నడిచింది. దానికి కారణం ఈ సినిమా హీరో, నిండు సభలో బూతు పాట పాడటమే. ఆ తర్వాత అది కాస్తా వివాదాస్పదమవ్వడంతో ఈ సినిమాపై కొంతమంది దృష్టి పడింది. అయితే సినిమా డిజాస్టర్ అయింది. ఈ రెండు సినిమాలతో పాటు ‘విత్ లవ్’, ‘లగ్గం’, ‘బ్లడ్ రోజెస్’ లాంటి సినిమాలొచ్చాయి కానీ ఆ విషయం జనాలకు తెలియదు.
రెండో వారంలో.. ‘నిలవే’, ‘ఫంకీ’, ‘అమరావతికి ఆహ్వానం’, ‘స్కై’, ‘సీతాపయనం’, ‘కపుల్ ఫ్రెండ్లీ’ లాంటి సినిమాలొచ్చాయి. విశ్వక్ సేన్ నటించిన ‘ఫంకీ’ సినిమా ఫ్లాప్ అయింది. అర్జున్ తన కూతుర్ని పెట్టి తీసిన ‘సీతాపయనం’ కూడా ఫ్లాప్. సంతోష్ శోభన్ నటించిన ‘కపుల్ ఫ్రెండ్లీ’ మాత్రం మెప్పించింది. బాక్సాఫీస్ ను షేక్ చేసే సినిమా కాకపోయినా, సంతోశ్ ను నిలబెట్టే మూవీగా గుర్తింపు తెచ్చుకుంది.
మూడో వారంలో ‘హే బలవంత్’, ‘నవాబ్ కేఫ్’ సినిమాలు రాగా.. ఈ రెండూ ఫ్లాపులయ్యాయి. సుహాస్ నటించిన ‘హే బలవంత్’ సినిమా కూసింత నవ్వులు పంచినా ఆడియన్స్ కు అవి సపోలేదు. ఇక ‘నవాబ్ కేఫ్’ సినిమా అక్కడక్కడ ఆకట్టుకుంది తప్ప, ఓవరాల్ గా ఫ్లాప్ అయింది.
నెలకు ముగింపునిస్తూ ‘విష్ణువిన్యాసం’ వచ్చింది. శ్రీవిష్ణు నటించిన ఈ సినిమాకు మిక్స్ డ్ రివ్యూస్ వచ్చాయి. నిలదొక్కుకోవడం కష్టమనే టాక్ వినిపిస్తోంది.
