Lenin postponement: అఖిల్ అక్కినేని సినిమా అంటేనే ఆగిపోవడం, వాయిదా పడడం అన్నట్లుగా ఉంది. దానికి తోడు నిర్మాత నాగవంశీ తీసే సినిమాలు కనీసం మూడు, నాలుగుసార్లు వాయిదాపడడం వెరీ కామన్. ఇప్పుడు అఖిల్ అక్కినేని హీరోగా నాగవంశీ నిర్మిస్తున్న “లెనిన్” చిత్రం కూడా అదే ఫేస్ చేస్తోంది.
అఖిల్ అక్కినేని హీరోగా ఏడాది క్రితం “లెనిన్” సినిమాని మొదలుపెట్టారు. సినిమా మధ్యలో ఆగిపోయింది. హీరోయిన్ గా నటించిన శ్రీలీల సినిమా నుంచి తప్పుకొంది. అలాగే తన పెళ్లి కోసం కూడా షూటింగ్ ఆపేశాడు అఖిల్. మళ్ళీ భాగ్యశ్రీ బోర్స్ ని తీసుకొని ఇటీవలే సినిమా షూటింగ్ ప్రారంభించారు.
ఈ ఏప్రిల్ లో సినిమాని విడుదల చేస్తామని నిర్మాత ఘనంగా ప్రకటించారు. తీరా చూస్తే ఇప్పుడు ఏప్రిల్ 3న బైకర్, ఏప్రిల్ 10న డెకాయిట్, స్వయంభు చిత్రాలు విడుదల అవుతున్నాయి. ఏప్రిల్ 30న పెద్ది వస్తోంది. మధ్యలో ఒక్క ఏప్రిల్ 17 మాత్రమే మిగిలి ఉంది.
అందుకే ఇన్ని సినిమాల మధ్య నలిగిపోవడం కన్నా వాయిదా వెయ్యడం కరెక్ట్ అని టీం భావిస్తోందిట.
