దర్శకుడు నాగ్ అశ్విన్ (Nag Ashwin) చాలా పెద్ద స్టేట్ మెంట్ ఇచ్చాడు. రామ్ చరణ్ (Ram Charan)తో తప్పకుండా సినిమా చేస్తానంటున్నాడు ఈ దర్శకుడు. దీంతో మెగా ఫ్యాన్స్ ఈ స్టేట్ మెంట్ ను వైరల్ చేస్తున్నారు.
సింగీతం శ్రీనివాసరావు దర్శకత్వంలో ‘సింగ్ గీతం’ సినిమా నిర్మించాడు నాగ్ అశ్విన్. దేవిశ్రీ ప్రసాద్ సంగీతం అందించిన ఈ సినిమా నుంచి ఓ సాంగ్ ను తొలగించారు. ఆ తొలగించిన సాంగ్ కోసం ఆడియో ఫంక్షన్ పెట్టారు వెరైటీగా. ఆ ఈవెంట్ లో మాట్లాడుతూ, చరణ్ తో సినిమా పై స్పందించాడు అశ్విన్.
“రామ్ చరణ్ తో తప్పకుండా సినిమా చేస్తా. ప్రస్తుతం చేతిలో ఉన్న స్టోరీలన్నీ అయిపోయిన తర్వాత చరణ్ తో సినిమా ఉంటుంది.” అంటూ స్పందించాడు నాగ్ అశ్విన్.
అటు ప్రభాస్ తో చేస్తున్న ‘కల్కి-2’ (Kalki 2) అప్ డేట్ ఇవ్వడానికి మాత్రం నిరాకరించాడు. ఓవైపు ‘కల్కి-2’ ప్రాజెక్టుతో బిజీగా ఉంటున్నప్పటికీ, మరోవైపు సింగీతం శ్రీనివాసరావు సినిమాను ప్రొడ్యూస్ చేయడానికి కారణం వెల్లడించాడు నాగి. కేవలం ఆయనతో కలిసి పనిచేయడం కోసమే నిర్మాతగా మారానన్నాడు
