పరిశ్రమలో ప్రతి ఒక్కరికి చేదు అనుభవాలు, జ్ఞపకాలు ఉంటాయి. నటుడు, రచయిత పోసాని కృష్ణమురళి (Posani Krishna Murali)కి కూడా అలాంటి ఓ అనుభవం ఉంది. తాజాగా తనకు ఎదురైన అనుభవాన్ని బయటపెట్టారు పోసాని. దర్శకుడిగా కెరీర్ మొదలుపెట్టిన కొత్తలో ఓ పెద్ద నటుడ్ని నమ్మి పూర్తిగా మోసపోయానని అన్నారు పోసాని.
ఓ పెద్ద ఆర్టిస్టుకు కథ చెప్పి, ఒప్పించి, అడ్వాన్స్ కూడా ఇచ్చారంట. తీరా షూటింగ్ కు కొన్ని రోజులు మాత్రమే టైమ్ ఉందనగా ఆ ఆర్టిస్టు హ్యాండ్ ఇచ్చారట. ఆ పాత్రను ఆ ఆర్టిస్టు తప్ప మరో వ్యక్తి చేయలేరంట. ఎందుకంటే సినిమాలో పెద్ద పెద్ద నటుల్ని కొట్టే స్థాయి ఉన్న ఆర్టిస్టు కావాలి.
దీంతో చేసేదేం లేక, ఆఖరి నిమిషంలో కోట శ్రీనివాసరావును తీసుకున్నారట. ఆయనతో ఫైట్లు చేయించలేరు, పాటలకు స్టెప్పులు వేయించలేరు. అందుకే కథ, స్క్రీన్ ప్లేను పూర్తిగా మార్చారు. అలా అన్ని రకాలుగా కథను మార్చి తీయడంతో ఆ సినిమా అట్టర్ ఫ్లాప్ అయిందన్నారు పోసాని.
అయితే హ్యాండ్ ఇచ్చిన ఆ నటుడు ఎవరనేది మాత్రం పోసాని వెల్లడించలేదు. ఆ సినిమా తన జీవితాన్నే మార్చేసిందని, ఆ ఘటన తర్వాత పరిశ్రమలో చాలామందిని నమ్మడం మానేశానని అన్నారు.
