పెళ్లికాని ప్రతి హీరోకి, హీరోయిన్ కి ఎదురయ్యే ప్రశ్న: పెళ్లి ఎప్పుడు చేసుకుంటారు? నవీన్ పోలిశెట్టిలాంటివాళ్లు ఫన్నీగా సమాధానం ఇస్తారు. ప్రభాస్ చేసుకున్న మరుక్షణమే తన పెళ్లి అంటూ నవీన్ పోలిశెట్టి సమాధానం ఇస్తూ వస్తున్నాడు.
ఇక హీరోయిన్ మీనాక్షి చౌదరి మాత్రం చాలా క్లారిటీగా చెప్పేస్తోంది. టైం వచ్చినప్పుడు చెప్పేస్తా అంటోంది. తన పెళ్ళికి ఇంకా టైం ఉంది అనేది ఆమె మాట.
ఆ మధ్య ఈ భామ యువ హీరో సుశాంత్ ని పెళ్లి చేసుకోబోతోంది అనే ప్రచారం జరిగింది. వీళ్ళిద్దరూ చాలా కాలం నుంచి డేటింగ్ లో ఉన్నారు అనేది రూమర్. ఐతే, ఇద్దరూ పెళ్లి పుకార్లని కొట్టి పారేశారు.
ప్రస్తుతం మీనాక్షి చౌదరి “అనగనగా ఒక రాజు”, నాగ చైతన్య సరసన “వృషకర్మ” సినిమాల్లో నటిస్తోంది. “అనగనగా ఒక రాజు” మరో 15 రోజుల్లో థియేటర్లోకి రానుంది.
