విజయ్ దేవరకొండ (Vijay Deverakonda), రష్మిక మందాన (Rashmika Mandanna) ఇప్పుడు భార్యాభర్తలు. వీరి వివాహ వేడుక ఘనంగా జరిగింది. ఫిబ్రవరి 26న పెళ్లి జరిగింది కానీ అంతకుముందు రెండు రోజులు, ఆ తర్వాత వారం రోజులు వీరి పెళ్లి సంబరాలతో మీడియా, సోషల్ మీడియా హోరెత్తింది.
ఈ వేడుకల్లో రష్మిక ఆనందాన్ని చూసిన ఒక అభిమాని ఒక భారీ పోస్ట్ పెట్టారు. ఆ పోస్ట్కు స్పందించిన రష్మిక తాను భావోద్వేగానికి గురయ్యానని చెప్పారు.
అంతేకాదు జీవితంలో ఎవరైనా ఎలాంటి ప్రేమ కోరుకోవాలో ఆమె తెలిపారు. “ప్రేమ గురించి నేను ఎప్పుడూ చెప్పే ఒకే మాట — మిమ్మల్ని స్వేచ్ఛగా ఉండనిచ్చే ప్రేమను వెతుక్కోండి,” అని రష్మిక మందాన పేర్కొన్నారు.
రష్మిక మందాన, విజయ్ ఒక మూడు నాలుగు రోజులు రెస్ట్ తీసుకొని మళ్ళీ షూటింగ్ పనులతో బిజీ కానున్నారు. వీరిద్దరూ కలిసి తాజాగా “రణబాలి” సినిమాలో నటిస్తున్నారు.
