దాదాపు ఏడాదిన్నరగా రీ-రిలీజ్ ట్రెండ్ నడుస్తోంది. ఈ ఏడాది కూడా ఆ ట్రెండ్ కొనసాగుతోంది. స్టార్ హీరోలు నటించిన పాత సినిమాలు మరోసారి 4కె వెర్షన్ లో థియేటర్లలోకి వస్తున్నాయి. అలా ఈ సీజన్ లో 3 ఇంట్రెస్టింగ్ సినిమాలు థియేటర్లలోకి మరోసారి వస్తున్నాయి. అవేంటో చూద్దాం..
రాజమౌళి తెరకెక్కించిన బ్లాక్ బస్టర్ మూవీ విక్రమార్కుడు. రవితేజ డ్యూయల్ రూల్ పోషించిన ఈ సినిమా అప్పట్లో సెన్సేషనల్ హిట్టయింది. ఇప్పుడీ సినిమా మరోసారి వస్తోంది. 27వ తేదీన విక్రమార్కుడ్నిరీ-రిలీజ్ చేయబోతున్నారు. సినిమాలోని సూపర్ హిట్ డైలాగ్స్, సాంగ్స్ తో రీ-రిలీజ్ ట్రయిలర్ కూడా కట్ చేసి వదిలారు.
ఇక రీ-రిలీజ్ కు రెడీ అయిన మరో సినిమా మురారి. కృష్ణవంశీ-మహేష్ కాంబోలో వచ్చిన క్లాసిక్ ఇది. నిజానికి అప్పట్లో ఈ సినిమా ఫ్లాప్. అయితే ఆ తర్వాత కల్ట్ స్టేటస్ అందుకుంది. అందుకే రీ-రిలీజ్ పై చాలా బజ్ నడుస్తోంది. దీనికితోడు సినిమాను ట్రిమ్ చేసి మరీ రిలీజ్ చేస్తున్నారు. ఆగస్ట్ 9న మళ్లీ వస్తున్నాడు మురారి.
అటు రామ్ గోపాల్ వర్మను దర్శకుడిగా పరిచయమైన శివ సినిమా కూడా రీ-రిలీజ్ కు రెడీ అయింది. ఇది కూడా కల్ట్ సినిమానే. అప్పటివరకు తెలుగులో వస్తున్న సినిమా మేకింగ్ ను సమూలంగా మార్చేసిన మూవీ ఇది. నాగార్జున కెరీర్ లోనే మైల్ స్టోన్ గా నిలిచిన ఈ సినిమా, ఆగస్ట్ 29న రీ-రిలీజ్ అవుతోంది.
