భాగ్యశ్రీ బోర్సే (Bhagyashri Borse)కి ఐదు సినిమాల తర్వాత మొదటి విజయం దక్కింది. ఒక్క సినిమా హిట్ కాకపోయినా అనేక చిత్రాల ఆఫర్లు రావడం విచిత్రమే. కానీ ఆమె అందం ఆమెకి అన్ని అవకాశాలు తెచ్చిపెట్టింది. ఇప్పుడు ఐదో చిత్రం “లెనిన్”తో మొదటి విజయం దక్కింది.
“లెనిన్” బ్లాక్ బస్టర్ ఏమీ కాదు. కానీ మంచి విజయమే. దాంతో ఆమెకి “ఐరన్ లెగ్” అన్న ముద్ర పోయింది. దానికి తోడు ఇప్పుడు పారితోషికం కూడా భారీగా పెరిగింది.
ఈ భామ ఇప్పుడు 2 కోట్ల క్లబ్బులో చేరిందట. త్వరలో చెయ్యబోయే కొత్త సినిమాకి ఈ భామ అక్షరాలా 2 కోట్ల పారితోషికం అడిగిందట. ఆమెకి మరో ఐదారు సినిమాలు వరుసగా వచ్చేలా ఉన్నాయి. మొన్నటి వరకు కోటి లోపు తీసుకున్న ఈ భామ ఇప్పుడు డబుల్ కి మించి డబ్బులు సంపాదిస్తోంది.
కెరీర్ లో ఉండే అనిశ్చితి కారణంగా తొందరగా ఎక్కువ సంపాదించాలనే ఆలోచనలో ఉన్నట్లు కనిపిస్తోంది.
