ప్రభాస్ సినిమాల వ్యాపారం మాములుగా వుండదు. హిట్స్, ఫ్లాప్స్ తో సంబంధం లేకుండా ప్రభాస్ సినిమాలకు థియేట్రికల్ బిజినెస్ భారీగా జరుగుతుంది. తాజాగా “కల్కి 2898 AD” సినిమాకి కూడా రికార్డు స్థాయిలో వ్యాపారం జరుగుతోంది.
నాగ్ అశ్విన్ డైరెక్షన్లో ఈ సినిమాకి 160 నుంచి 180 కోట్ల మధ్య బిజినెస్ జరిగేలా ఉంది. కేవలం తెలుగు రాష్ట్రాలకు సంబంధించిన మొత్తం ఇది. అంటే తెలంగాణ, ఆంధ్రప్రదేశ్ రాష్ట్రాల్లో డిస్టిబ్యూటర్లు నిర్మాతకు ముందే కట్టే అమౌంట్.
ఇది ఒక విధంగా చెప్పాలంటే భారీ మొత్తం. ఇటీవల “ఆర్ ఆర్ ఆర్” సినిమా మినహా మరో సినిమా అంత మొత్తం వసూళ్లు సాధించలేదు. ప్రభాస్ కి ఇటీవల హిట్ వచ్చింది అనిపించుకున్న “సలార్” కూడా 148 కోట్లు మాత్రమే వసూళ్లు సాధించింది.
Salaar – Theatrical Business Bidding
AP – Rs 110 Cr
Telangana – Rs 65 – 70 Cr
160 కోట్ల పైన బిజినెస్ చేస్తే ఆ సినిమా ఎంత లేదన్న 200 కోట్ల షేర్ అందుకోవాలి లాభాలు చూడాలంటే. అలా జరగాలి అంటే ఆంధ్రప్రదేశ్ ప్రభుత్వం టికెట్ రేట్ల పెంపు చేసేందుకు అంగీకరించాలి. అది సాధ్యం కావాలంటే ఎన్నికల ఫలితాలు వచ్చి కొత్త ప్రభుత్వం కొలువుదీరాలి. మళ్ళీ జగన్ ప్రభుత్వం వచ్చినా, లేదంటే తెలుగుదేశం కూటమి అధికారంలోకి వచ్చినా ఆ ప్రభుత్వాలు కుదురుకొని టికెట్ రేట్ల పెంపు జీవో ఇవ్వాలి.
ఆ లెక్కన చూస్తే “కల్కి” జూన్ నెలాఖరులో కానీ జులైలో కానీ విడుదల అయ్యేలా ఉంది.
