సాధారణంగా హీరోయిన్లు తమ వయస్సుని బయటపెట్టుకోరు. బర్త్ డేలని ఘనంగా జరుపుకున్నా అసలు వయసు చెప్పరు. కానీ నటి కంగనా రనౌత్ (Kangana Ranaut) తన 40వ పుట్టినరోజుని గ్రాండ్ గా సెలెబ్రేట్ చేసుకోవడమే కాదు. ఇది తన 40వ పుట్టిన రోజు అని అందరికీ తెలియచేసింది.
నిన్న ఆమె తన 40వ పుట్టిన రోజు సందర్భంగా ప్రధానమంత్రి నరేంద్ర మోదీని కలిసింది. తన సోదరి, ఇతర కుటుంబ సభ్యులతో కలిసి ఇది తన తన ప్రత్యేక పుట్టిన రోజు అని చెప్పి ఆయన ఆశీర్వాదం తీసుకొంది. ఆ సమావేశానికి సంబంధించిన ఫోటోలను సోషల్ మీడియా వేదికగా ఆమె పంచుకొంది.
ప్రధాని నరేంద్ర మోదీని కలిసిన కంగనా రనౌత్ ఈ పుట్టిన రోజుని “మరిచిపోలేని ఘట్టం” అని పేర్కొంది.
కంగన రనౌత్ ప్రస్తుతం పార్లమెంట్ సభ్యురాలు. బీజేపీ తరఫున గెలిచింది. ఐతే, ఆమె సినిమా కెరీర్ మాత్రం పెద్దగా పుంజుకోవడం లేదు. ఆమె నటించిన దాదాపు 12 సినిమాలు ఫ్లాప్ అయ్యాయి. దాంతో ఆమె చెయ్యబోతున్న, చేస్తున్న సినిమాలపై పెద్దగా ఎవరూ ఆసక్తి చూపడం లేదు. మరోవైపు, ఆమె పెళ్లి గురించి మాత్రం ప్రచారం మొదలైంది.
