మృణాల్ ఠాకూర్, ధనుష్ ప్రేమాయణం గురించి ఒకటే చర్చ. భార్య ఐశ్వర్య నుంచి విడిపోయిన ధనుష్ తాజాగా మృణాల్ ఠాకూర్ తో ప్రేమలో పడ్డాడని, ఏడాదిగా వీరి ప్రేమాయణం ముదిరి పాకాన పడింది అని టాక్. అంతే కాదు, త్వరలోనే వీరి పెళ్లి కూడా జరుగుతుందనే ప్రచారం ఊపందుకొంది.
ఐతే, మృణాల్ ఠాకూర్ మొదటి తమిళ చిత్రం ధనుష్ తో కాదంట. మరో తమిళ హీరో శింబుతో ఆమె నటించనుంది.
తమిళ మీడియా సమాచారం ప్రకారం మృణాల్ ఠాకూర్ తాజాగా శింబు సరసన ఒక చిత్రం అంగీకరించింది. ఆమెకి ఇది మొదటి తమిళ చిత్రం కానుంది. ఒకవైపు, ధనుష్ తో ప్రేమాయణం అంటూ ప్రచారం జరుగుతున్న టైంలో అతని సరసన నటించకుండా శింబు సరసన సినిమా ఒప్పుకోవడం విశేషం.
మృణాల్, ధనుష్ ఇప్పటివరకు కలిసి నటించలేదు. అయినా వీరి మధ్య డేటింగ్ ఎలా షురూ అయింది అనేది మిస్టరీనే. పైగా ఆల్రెడీ పెళ్లి అయి, ఇద్దరు పిల్లలు ఉన్న డివోర్శి ధనుష్ తో మృణాల్ ఎలా ప్రేమలో పడింది అనేది కూడా ఇక మిస్టరీ.
