రష్మిక మందాన (Rashmika Mandanna) ఇటీవల హీరో విజయ్ దేవరకొండని పెళ్లాడింది. ప్రస్తుతం ఆమె భర్త విజయ్ దేవరకొండతోనే “రణబాలి” అనే సినిమాలో నటిస్తోంది. ఐతే, పెళ్లి తర్వాత విడుదల అవుతోన్న ఆమె మొదటి చిత్రం ఒక హిందీ మూవీ.
షాహిద్ కపూర్ హీరోగా నటిస్తోన్న “కాక్ టైల్ 2” (Cocktail 2)చిత్రంలో కృతి సనన్, రష్మిక మందాన హీరోయిన్లుగా నటిస్తున్నారు. ఈ సినిమా విడుదల తేదీని తాజాగా ఖరారు చేశారు. జూన్ 19న “కాక్ టైల్ 2” విడుదల కానుంది. అంటే పెళ్లి తర్వాత ఆమె మొదటి విడుదల ఇదే.
ఈ సినిమాలో ఆమె లెస్బియన్ గా నటిస్తోంది అని వార్తలు వచ్చాయి. కానీ అది ఎంతవరకు నిజం అనేది చూడాలి. ఇంతటి బోల్డ్ రోల్ లో కృతి సనన్, రష్మిక మందాన నటించారా?
పెళ్లి తర్వాత కూడా తన కెరీర్ ని కంటిన్యూ చేస్తాను అని ఇప్పటికే క్లారిటీ ఇచ్చింది రష్మిక. రష్మిక మందానకి బాలీవుడ్ లో మంచి క్రేజ్ ఉంది. అక్కడ “యానిమల్”, “చావా” వంటి బ్లాక్బస్టర్ చిత్రాలు ఉన్నాయి. పెళ్లి తర్వాత కూడా ఆమె హిందీలో మంచి హిట్స్ ఇస్తే కెరీర్ ఢోకా లేకుండా కొనసాగుతుంది.
