ఆసక్తి రేపుతున్న ‘హత్య’ ఫస్ట్ లుక్

బిచ్చగాడు, బేతాళుడు వంటి విభిన్న చిత్రాలతో ఆకట్టుకున్న తమిళ హీరో విజయ్ ఆంటోనీ వరుసగా కొత్త సినిమాలతో మనముందుకు రానున్నారు. ‘హత్య’ అనే పేరుతో తెలుగు ప్రేక్షకుల ముందుకు రాబోతున్నాడు మరోసారి.

ఇన్వెస్టిగేటివ్ థ్రిల్లర్ మూవీగా రూపొందుతున్న ఈ చిత్రంలో ఆయనది డిటెక్టివ్ పాత్ర. సంధ్య పోలీస్ అధికారిణిగా కనిపించనుంది రితికా సింగ్. లోటస్ పిక్చర్స్ తో కలిసి ఇన్ఫినిటీ ఫిలిం వెంచర్స్ సంస్థ నిర్మిస్తోంది. ఈ చిత్రానికి బాలాజీ కుమార్ దర్శకుడు.

ఈ సినిమా ఫస్ట్ లుక్ పోస్టర్ ను బుధవారం విడుదల చేశారు. ఓ హత్య కేసు ఇన్వెస్టిగేషన్ కోసం కథానాయకుడు రంగంలోకి దిగినట్లు పోస్టర్ ద్వారా తెలుస్తున్నది.

“1923లో ప్రపంచాన్ని దిగ్భ్రాంతికి గురిచేసిన డోరతీ కింగ్ మర్డర్ ఘటన నేపథ్యంగా ‘హత్య’ సినిమా సాగతుంద,”ని మేకర్స్ చెప్తున్నారు.