నయనతార ప్లేస్ లో జాన్వీ

శ్రీదేవి కూతురు జాన్వీ కపూర్ కెరీర్ ని రీమేక్ తోనే మొదలుపట్టింది. ఆ తర్వాత ఘోస్ట్, గుంజన్ సక్సేనా వంటి స్ట్రయిట్ హిందీ సినిమాలే చేసింది. ఇప్పుడు మళ్ళీ ఒక రీమేక్ ఒప్పుకొంది. తమిళంలో నయనతార నటించిన “కోలమవు కోకిల” అనే సినిమాని హిందీలో రీమేక్ చేస్తున్నారు. జనవరిలో షూటింగ్ మొదలుకానున్న ఈ సినిమాలో నయనతార పాత్రని జాన్వీ కపూర్ పోషించనుంది.

ఆనంద్ రాయ్ నిర్మించే ఈ సినిమాకి సిద్దార్థ్ సేన్ గుప్తా దర్సకుడు. సినిమా మొత్తం పంజాబ్ లో జరగనుంది. డ్రగ్స్ బ్యాక్ డ్రాప్ లో సాగె స్టోరీ ఇది.

నయనతారకి లేడీ సూపర్ స్టార్ అనే ఇమేజ్ ఉంది. ఆ ఇమేజ్ తో చేసిన మూవీ “కోలమవు కోకిల”. జాన్వీకి బాలీవుడ్ లో ఇంకా అంత స్టార్ డం రాలేదు. మరి ఈ పాత్రని ఎలా మెప్పిస్తుందో.