ఇటీవల హీరోయిన్లు మందు కంపెనీలకు బ్రాండ్ అంబాసిడర్లుగా మారారు. ఆ మధ్య రెజీనా ‘టీచర్స్’ బ్రాండ్ ని తన ఇన్ స్టాగ్రామ్ వేదికపై ప్రమోట్ చేస్తే ట్రోలింగ్ ఫుల్లుగా సాగింది. డబ్బులు ఇస్తే ఏ బ్రాండ్ ని అయినా ప్రోమోట్ చేసేందుకు కొందరు హీరోయిన్లు ఎప్పుడూ సిద్ధమే. ఆ లిస్ట్ లో కాజల్ అగర్వాల్ కూడా ఉంది.
ఇటీవలే మొదటి వెడ్డింగ్ యానివర్సరీ సెలెబ్రేట్ చేసుకున్న ఈ భామ… భర్తతో కలిసి ‘టీచర్స్’ బ్రాండ్ కి ఇన్ స్టాగ్రామ్లో ప్రచారం కల్పిస్తోంది. ఆమె, ఆమె భర్త ఇద్దరూ కలిసి చీర్స్ అంటూ ఈ బ్రాండ్ ని ప్రమోట్ చేస్తున్నారు. అందరిని దీపావళికి ఈ బాటిల్ తో సెలెబ్రేట్ చేసుకోమని చెప్తోంది ఈ జంట. డబ్బుల వస్తున్నాయి కాబట్టి ఇద్దరూ ఇలా హ్యాపీగా మందుబాటిల్ ముందు ఫోజులిచ్చారు.
టీవీల్లో, పత్రికల్లో, వెబ్ సైట్ లలో మందు బ్రాండ్స్ ని ప్రోమోట్ చేసేందుకు చట్టాలు ఒప్పుకోవు. అందుకే, ఈ బ్రాండ్స్ తెలివిగా అత్యధిక ఫాలోవర్స్ ఉన్న సెలెబ్రెటీలకు డబ్బులు ఇచ్చి ఇన్ స్టాగ్రామ్ వేదికపై ప్రచారం చేస్తున్నాయి.
ఐతే, కాజల్ కి కూడా ట్రోలింగ్ తప్పడం లేదు. “అంటే ఇద్దరూ కలిసి మందు వేస్తున్నారా?,” అని ప్రశ్నలు పడుతున్నాయి.
