GA2 Pictures బ్యానర్ పై సినిమాలు తీసే నిర్మాత బన్నీవాసుకి రీసెంట్ గా గట్టి దెబ్బ తగిలింది. కార్తీకేయ హీరోగా తీసిన ‘చావు కబురు చల్లగా’ ఘోరంగా పరాజయం పాలు అయింది. ఇప్పుడు, ‘మోస్ట్ ఎలిజిబిల్ బ్యాచిలర్’ తీశారు బన్నీవాసు. ఈ సినిమా అనేకసార్లు రీషూట్లు జరుపుకొని, ఎన్నో కరెక్షన్లు చేసుకొని, అనేక సార్లు వాయిదాపడి… మొత్తానికి మన ముందుకు రానుంది.
అఖిల్, పూజ హెగ్డే హీరో, హీరోయిన్లుగా నటించిన ఈ సినిమాకి ప్రస్తుతం ఎలాంటి క్రేజ్ లేదు. అఖిల్ ఇంతకుముందు చేసిన సినిమాలు అన్నీ పరాజయాలే. దర్శకుడు బొమ్మరిల్లు భాస్కర్ హిట్ ఇచ్చి చాలా ఏళ్ళు అవుతోంది. ఈ మొత్తం టీంలో క్రేజున్న వారు ఎవరంటే… పూజ హెగ్డే. యూత్ లో, మాస్ లో ఈ భామకున్న పాపులారిటీ అంతా ఇంతా కాదు.
అందుకే, నిర్మాత ప్రచారానికి ఆమెని నమ్ముకున్నాడట. ఇప్పటికే పోస్టర్లలో ఆమె కాళ్ళు హైలెట్ చేస్తూ హడావిడి చేస్తున్నారు. పూజ హెగ్డేకి ఉన్న క్రేజ్, ఇటీవల వైరల్ అయిన సిద్ శ్రీరామ్ పాట ఈ సినిమాకి ఓపెనింగ్స్ తెస్తే చాలు అనుకుంటున్నారు నిర్మాత. ఇంతకుముందు ‘చావు కబురు చల్లగా’ సినిమాకి అల్లు అర్జున్ వచ్చి హడావుడి చేసినా ఓపెనింగ్ రాలేదు.
మరి ఈ నిర్మాతని పూజ హెగ్డే గట్టెక్కిస్తుందా అన్నది చూడాలి.
