మరో మూడేళ్లు ఈ రెండింటితోనే

రామ్ చరణ్ తన కొత్త సినిమాలపై పూర్తి క్లారిటీ ఇచ్చాడు. ప్రస్తుతం రామ్ చరణ్ శంకర్ డైరెక్షన్లో “గేమ్ ఛేంజర్” సినిమాలో నటిస్తున్నారు. ఈ సినిమా పూర్తి కాగానే దర్శకుడు బుచ్చిబాబుతో సినిమా మొదలుపెడుతారు. బుచ్చిబాబు – రామ్ చరణ్ మూవీ ఇటీవలే లాంఛనంగా ప్రారంభం అయింది. జూన్ నుంచి రెగ్యులర్ షూటింగ్.

ఇక తాజాగా సుకుమార్ డైరెక్షన్లో మరో సినిమాని ప్రకటించారు. బుచ్చిబాబు సినిమా తర్వాత ఇదే చేస్తాను అన్నట్లుగా క్లారిటీ ఇచ్చారు చరణ్. ఎందుకంటే బుచ్చిబాబు సినిమాకి ##RC16 అనే నంబర్ ఇచ్చారు. ఇక సుకుమార్ సినిమాకి #RC17 అనే వరుస నంబర్ కేటాయించారు.. అంటే ఒకదాని తర్వాత ఒకటి వస్తుంది అన్నమాట.

ఈ ఏడాది చివరి ఆరు నెలలు, వచ్చే ఏడాది మరో ఆరు నెలలు బుచ్చిబాబు సినిమాతో బిజీగా ఉంటారు చరణ్. ఆ తర్వాత అంటే 2025లో సుకుమార్ సినిమా షూటింగ్ జరుగుతుంది. 2026లో విడుదల అవుతుంది.

ఇలా 2024, 2025, 2026… ఈ రెండు సినిమాలతోనే రామ్ చరణ్ బిజీ. ఆ తర్వాత ఏ సినిమాలు ఒప్పుకుంటారో మరి.

ALSO READ: Official announcement: Ram Charan and Sukumar unite again