లాక్ డౌన్ లోనే “47 డేస్” రిలీజైంది. లాక్ డౌన్ లోనే “ఉమామహేశ్వర ఉగ్రరూపస్య” విడుదలైంది. చివరికి లాక్ డౌన్ లోనే కొత్త సినిమా కూడా లాంఛ్ అయింది. ఇప్పుడు వీటికి అదనంగా మరిన్ని సినిమాలు లైన్లో పెట్టాడు సత్యదేవ్. అలాగే, ఈ గ్యాప్ లోనే సూర్యకి తన గొంతు అరువు ఇచ్చాడు. “ఆకాశమే నీ హద్దు రా” సినిమాలో సూర్యకి డబ్బింగ్ చెప్పాడు.
ప్రస్తుతం “గుర్తుందా శీతాకాలం” అనే సినిమా చేస్తున్నాడు ఈ హీరో. తమన్న హీరోయిన్ గా నటిస్తున్న ఈ సినిమా ఓ కన్నడ రీమేక్. నవంబర్ నుంచి ఇది సెట్స్ పైకి రాబోతోంది. దీంతో పాటు “తిమ్మరుసు” అనే మరో సినిమా కూడా ఎనౌన్స్ చేశాడు. ఇది కూడా ఓ కన్నడ రీమేక్. ప్రియాంక జవాల్కర్ హీరోయిన్ గా నటించనున్న ఈ సినిమా అక్టోబర్ 20 నుంచి సెట్స్ పైకి రాబోతోంది.
ఈ రెండు సినిమాలతో పాటు మరో 3 సినిమాలకు గ్రీన్ సిగ్నల్ ఇచ్చాడు సత్యదేవ్. ఈ సినిమాల ఎనౌన్స్ మెంట్స్ కూడా మరో 2 నెలల్లో రాబోతున్నాయి. ఇలా లాక్ డౌన్ లో కూడా వరుస సినిమాలతో జెట్ స్పీడ్ తో దూసుకుపోతున్నాడు సత్యదేవ్.
