ఇక పవన్, శృతి డ్యూయెట్

పవన్ కళ్యాణ్, శృతి హాసన్ మూడోసారి కలిసి నటిస్తున్నారు. ‘గబ్బర్ సింగ్’, ‘కాటమరాయుడు’ సినిమాల తర్వాత పవన్, శృతి కలిసి నటిస్తున్న మూవీ… “వకీల్ సాబ్’. గత ఐదు రోజులుగా ‘వకీల్ సాబ్’ షూటింగ్లో పాల్గొంటోంది. వచ్చేవారమే ఒక డ్యూయెట్ తీస్తారట.

ఈ సినిమా… “పింక్” అనే బాలీవుడ్ సినిమాకి రీమేక్. తమిళంలో అజిత్ హీరోగా కూడా రూపొందింది. ఐతే, హిందీ, తమిళ్ సినిమాకి డిఫరెంట్ గా రొమాన్స్, డ్యూయెట్లు కూడా ఉంటాయిందులో. దిల్ రాజు నిర్మిస్తున్న ఈ మూవీ పవన్ కళ్యాణ్ అభిమానులని నిరాశపర్చకుండా “కమర్షియల్” హంగులు అన్ని జోడిస్తున్నారు.

కేవలం పవన్ కళ్యాణ్ అంటే ఉన్న గౌరవం, అభిమానం కారణంగానే శృతి ఈ సినిమా ఒప్పుకొంది. ఎందుకంటే, ఆమెది ఫుల్ లెంగ్త్ హీరోయిన్ పాత్ర కాదు.