ఇదిగో జూనియర్ స్నేహ!

ఇలా పుట్టిన వెంటనే అలా బేబీ ఫొటోల్ని షేర్ చేస్తున్న రోజులివి. పుట్టకముందే పేరు కూడా పెట్టేస్తున్నారు. మరీ ముఖ్యంగా స్టార్ జంటలకు ఈ విషయంలో ఆత్రం ఎక్కువ. అయితే స్నేహ-ప్రసన్న దంపతులు మాత్రం ఈ విషయంలో తొందరపడలేదు. అందుకే ఇన్నాళ్లూ కూతుర్ని కెమెరా కంటికి కనపడనీయకుండా దాచారు.

దాదాపు 7 నెలల కిందటే పండంటి ఆడ బిడ్డకు జన్మనిచ్చింది స్నేహ. కానీ ఆ బుజ్జాయి ఎలా ఉంటుందనేది బయట లోకానికి తెలియదు. ఎట్టకేలకు తన కూతుర్ని అభిమానులకు పరిచయం చేసింది స్నేహ. మూడు ఫోటోలను సోషల్ మీడియాలో రిలీజ్ చేసింది. కూతురు పేరు… ఆద్యంత.

ఇన్నాళ్లూ లేనిది ఈరోజే కూతురు ఫొటోల్ని స్నేహ బయటపెట్టడానికి ఓ కారణం ఉంది. ఈరోజు స్నేహ భర్త, నటుడు ప్రసన్న బర్త్ డే. ఈ పుట్టినరోజు సందర్భంగా కూతురి ఫొటోల్ని రిలీజ్ చేసింది స్నేహ.

పెళ్లయినప్పటికీ కెరీర్ ను కొనసాగిస్తూనే ఉంది స్నేహ. అబ్బాయి పుట్టిన తర్వాత కూడా సినిమాలు చేసింది. ఇప్పుడు అమ్మాయికి జన్మనిచ్చిన తర్వాత కూడా సినిమాల్లో నటిస్తానని స్పష్టంచేసింది.

Advertisement
 

More

Related Stories