“ఏజెంట్” సినిమాతో తెలుగు సినిమాకి పరిచయం అయింది ముంబై ముద్దుగుమ్మ సాక్షి వైద్య. ఆమె రెండో చిత్రం… ‘గాండీవధారి అర్జున’. ఈ సినిమాలో వరుణ్ తేజ్ సరసన నటించింది. ఈ నెల 25న విడుదల కానున్న ఈ సినిమా గురించి ఈ భామ ముచ్చట్లు.
– “‘ఏజెంట్’ షూటింగ్ జరుగుతున్నప్పుడే ఈ సినిమా ఒప్పుకున్నా. ఈ సినిమాలో ఐరా అనే పాత్ర పోషించా. మంత్రి పక్కనే కనిపించే నా పాత్ర సినిమా కథకు కీలకం. పాటలు కోసం ఉండే హీరోయిన్ పాత్ర కాదు. డైరెక్టర్ ప్రవీణ్ గారు అద్భుతంగా పాత్రలను తీర్చిదిద్దారు. అంతకన్నా అద్భుతంగా తీశారు.”
– “ఈ సినిమాలో నా పాత్రకు నేనే డబ్బింగ్ చెప్పుకున్నాను. తెలుగు ఇప్పుడు అర్థం అవుతోంది. త్వరలోనే మాట్లాడే స్థాయిలో నేర్చుకుంటాను.”
– “వరుణ్ తేజ్ పెద్ద స్టార్ ఫ్యామిలీ నుంచి వచ్చినా ఆయన చాలా సింపుల్ గా ఉంటారు. ఈ షూటింగ్ టైంలో ఆయన ఎంతో హెల్ప్ చేశారు. ఇక నిర్మాతలు బాపినీడుగారు, బి.వి.ఎస్.ఎన్.ప్రసాద్ గారు ఎంతో బాగా చేసుకున్నారు. ఈ సినిమా నాకు చాలా మంచి అనుభూతిని మిగిల్చింది.”
– “ఏజెంట్ ఫ్లాప్ అవడం బాధ అనిపించింది. కానీ ఫలితం మా చేతిలో ఉండదు కదా… అందుకే అది మర్చిపోయి “గాండీవధారి”పై ఫోకస్ పెట్టాను.”
– “ఇప్పటికే పవన్ కళ్యాణ్ కొత్త చిత్రం “ఉస్తాద్ భగత్ సింగ్” సైన్ చేశాను. త్వరలోనే షూటింగ్ స్టార్ట్ అవుతుంది. దుల్కర్ సల్మాన్‌ హీరోగా తెలుగులో రూపొందే “లక్కీ భాస్కర్”, సాయిధరమ్ తేజ్ కొత్త మూవీలో కూడా చేయబోతున్నాను.”
