నభా నటేష్ (Nabha Natesh) ఈ ఏడాది రెండు భారీ సినిమాలపై ఆశలు పెట్టుకొంది ఒకటి నాగబంధం (Nagabandham), మరోటి స్వయంభు (Swayambhu). రెండూ పీరియడ్ పాన్ ఇండియా చిత్రాలే. దాంతో తన దశ తిరుగుతుంది అని భావించింది. కానీ అందులో మొదటి చిత్రం ఫ్లాప్ అయింది.
“నాగబంధం” చిత్రంలో ఈ భామ ద్విపాత్రిభినయం చేసింది. ఆ విధంగా ఆమెకి ఇది చాలా ఇంపార్టెంట్ మూవీ. ఒక పాత్రకి సినిమాలో చాలా ఇంపార్టెన్స్ ఉంది. కొంచెం విలన్ తరహాలో కూడా కనిపిస్తుంది. సినిమా హిట్ అయి ఉంటే ఈ భామకి ఈ పాత్ర ఒక మరుపురానిదిగా ఉండిపోయేది. కానీ మొదటి వీకెండ్ తర్వాత సినిమా చతికిలాపడింది.
“ఇస్మార్ట్ శంకర్” తర్వాత ఈ భామకి మరో హిట్ లేదు. హిట్ కోసం పడుతున్న పరితపన అలాగే కంటిన్యూ అవుతోంది. నాగబంధం’తో కూడా విజయం దక్కాలన్నా ఆశ నెరవేరలేదు.
ఇక మిగిలింది స్వయంభు. ఈ సినిమాలో నిఖిల్ సిద్ధార్థ్. అతను కూడా హిట్ లేక ఇబ్బంది పడుతున్నాడు. ఈ సినిమా విడుదల ఇప్పటికే అనేకసార్లు వాయిదాపడింది. పైగా ఇందులో మెయిన్ హీరోయిన్ సంయుక్త. సో, నభాకి ఈ సినిమా హెల్ప్ చేస్తుంది అని చూడాలి. హిట్ ఐతే ఎంతో కొంత ఉపయోగం ఉంటుంది. లేదంటే “ఇస్మార్ట్ శంకర్” ఒక్కటే హిట్ గా మిగిలిపోతుంది.
