రాశి ఖన్నా (Raashi Khanna) కెరీర్ కి తెలుగులో మళ్ళీ ఊపు వచ్చింది అని భావించేలోపే ఆమె మళ్ళీ సైలెంట్ అవ్వాల్సిన పరిస్థితిలో పడింది. గతేడాది తెలుసు కదా (Telusu Kada) సినిమాలో సిద్ధూకి భార్యగా నటించింది. అది ఫ్లాప్ అయింది. తాజాగా పవన్ కళ్యాణ్ సరసన చిన్న పాత్ర పోషించింది. ఇదీ కలిసిరాలేదు.
“ఉస్తాద్ భగత్ సింగ్”లో ఆమె చివరి నిమిషంలో చేరింది. పెద్ద పాత్ర కాదు అని తెలిసినా పవన్ కళ్యాణ్ సరసన నటించాలనే ఉద్దేశంతో సినిమా చేసింది. ఈ సినిమాలో ఆమె పాత్ర అనుకోకుండా మాయం అవుతుంది. అంటే ఆమె పాత్రకు సరైన ముగింపు కూడా లేదు. కేవలం పవన్ కళ్యాణ్ సరసన నటించాలనే లక్ష్యంతో చేసినా అది కూడా సరైన రిజల్ట్ ఇవ్వలేదు.
ఇక రాశి ఖన్నాకి కొత్తగా ఏ తెలుగు సినిమాలో అవకాశం వస్తుందో చూడాలి.
ఆమె చేతిలో వెబ్ సిరీస్ లు, కొన్ని హిందీ తమిళ ప్రాజెక్ట్స్ మాత్రం ఉన్నాయి. త్వరలో “ఫర్జీ 2” వెబ్ సిరీస్ తో మన ముందుకు రానుంది. అక్షయ్ కుమార్ సరసన ఒక హిందీ సినిమాలో నటిస్తోంది. తమిళంలో “రౌడీ అండ్ కో” అనే సినిమా చేస్తోంది. తెలుగులో “ఉస్తాద్ భగత్ సింగ్” ఆడి ఉంటే వెంటనే మరో అవకాశం వచ్చేది.
