పవన్ కళ్యాణ్, హరీష్ శంకర్ కాంబినేషన్ లో “ఉస్తాద్ భగత్ సింగ్” వస్తోంది. “గబ్బర్ సింగ్” తర్వాత ఈ కాంబినేషన్ లో వస్తోన్న రెండో చిత్రం ఇది. మొదటి పాట కొత్త ఏడాది సందర్భంగా డిసెంబర్ 31/జనవరి 1న విడుదలైంది. నిన్న రెండో పాట విడుదలైంది.
రెండవ గీతంగా వచ్చిన ‘ఆరా ఆఫ్ ఉస్తాద్’ (Aura of Ustaad)అనే ఈ పాటలో “నేను మెడ ముట్టుకుంటే, తొడ కొట్టినట్టే, జుట్టు ఎగురుతుంటే ఇక దడ దడ పిడుగులు పడినట్టే” లైన్లు ఉన్నాయి. కానీ ఈ లైన్లు అభిమానులకు పెద్దగా నచ్చినట్లు లేదు. చంద్రబోస్ రాసిన ఈ లిరిక్స్ మరీ నాసిరకంగా ఉన్నాయి అని అభిమానులే ట్విట్టర్ లో కామెంట్ చేస్తున్నారు.
దేవీ శ్రీ ప్రసాద్ కంపోజ్ చేసిన ఈ పాట అభిమానులకు ఊపు ఇచ్చేలా ప్లాన్ చేశారు. కానీ ఫ్యాన్స్ దగ్గరి నుంచే ప్రస్తుతం మిశ్రమ స్పందన వస్తోంది. బహుశా సినిమాలో ఈ పాట వచ్చే సందర్భం, సినిమాలో బాగా అద్బుతంగా క్లిక్ అయితే ఈ అభిప్రాయం మారొచ్చు. ప్రస్తుతానికి “మెడ, తొడ” నచ్చలేదు.
ఈ సినిమా వచ్చే నెల విడుదల కానుంది. ఈ సినిమాకి ఇంకా రావాల్సిన హైప్ రావడం లేదు ఈ పాట కూడా మిక్స్డ్ టాక్ తెచ్చుకోవడం మరింత నిరాశపరిచింది.
