సమంత (Samantha) నటించిన “మా ఇంటి బంగారం” (Maa Inti Bangaram) మే 15న విడుదల కానుంది. ఈ సినిమా డేట్ ని చాలా రోజుల క్రితమే ప్రకటించారు. ఇది సమంత కి రెండో ఇన్నింగ్స్ కి దారి వేసే సినిమా.
ఐతే, ఈ సినిమాని మే 15 బదులు మే1 న రిలీజ్ చెయ్యాలని భావించారు. ఎందుకంటే “పెద్ది” సినిమా ఏప్రిల్ 30న విడుదల కావడం లేదు. ఆ స్లాట్ ని లాగేసుకుంటే మంచి ఓపెనింగ్ వస్తుంది అని సమంత భావించింది. ఐతే, ఆ లోపు అన్ని పనులు అయ్యేలా లేవంట. ఎంత తొందరపడినా ఆ లోపు పోస్ట్ ప్రొడక్షన్ పని మొత్తం పూర్తి కాదు. దాంతో, మే 1న విడుదల చెయ్యాలనే ఆలోచన విరమించుకున్నారు.
ఇంతకుముందు ప్రకటించినట్లే “మా ఇంటి బంగారం” మే 15న విడుదల అవుతుంది. ఈ సినిమాలో ఆమె ఒక ఇంటి సాధారణ కోడలుగా కనిపిస్తూనే యాక్షన్ రోల్ లో దర్శనమిస్తుంది. సమంతతో ఇంతకుముందు “ఓ బేబీ” వంటి హిట్ చిత్రాన్ని తీసిన దర్శకురాలు నందిని రెడ్డి ఈ సినిమాకి డైరెక్టర్.
2023లో విజయ్ దేవరకొండ సరసన “ఖుషి” సినిమాలో సమంత నటించింది. ఆ సినిమా తర్వాత మళ్ళీ ఆమె హీరోయిన్ గా కనిపిస్తున్న చిత్రం ఇదే.
