విడుదల తేదీల విషయంలో చాలా కన్ఫ్యూజన్ ఉంది. పెద్ది (Peddi) సినిమా రెండుసార్లు డేట్ మార్చుకొంది. లెనిన్ (Lenin) ఒకసారి మార్చింది. తాజాగా టాక్సిక్ (Toxic) జూన్ 4 నుంచి వాయిదాపడింది. కొత్త రిలీజ్ డేట్ ప్రకటించలేదు. ఐతే, లెనిన్ (Lenin) గురించి నాగార్జున చేసిన ట్వీట్ ఒక్కసారిగా అందరిలో చర్చకు తెరలేపింది.
“లెనిన్ మొదటి కట్ చూశాను. కొత్త అఖిల్ ని చూస్తారు. జూన్ 26న థియేటర్లో కలుద్దాం,” అని నిర్మాత హోదాలో నాగార్జున అక్కినేని లెనిన్ రిలీజ్ డేట్ గురించి చెప్పారు ఈ రోజు.
ఐతే, ఈ సినిమాని ఇంతకుముందు వాయిదా వేస్తున్న రామ్ చరణ్ సినిమా కోసమే అని చెప్పడం విశేషం.
ఇంతకుముందు పెద్ది మార్చి 27 నుంచి ఏప్రిల్ 30కి వాయిదా పడింది. అప్పుడు మే 1న రావాల్సిన లెనిన్ సినిమాని వాయిదా వేస్తున్నట్లు ప్రకటించారు. “రామ్ చరణ్ పై ఉన్న గౌరవం, అభిమానంతో మా సినిమా విడుదల తేదీని జూన్ 26కి మారుస్తున్నాం,”అనే కారణం అప్పుడు చెప్పారు. ఐతే కొన్ని రోజుల తర్వాత “పెద్ది” సినిమాని మరోసారి వాయిదా వేశారు. తాజాగా, ఈ సినిమాకి జూన్ 25 డేట్ అని ప్రకటించారు.
“పెద్ది” జూన్ 25కి వాయిదా పడడంతో “లెనిన్” తప్పకుండా డేట్ మార్చుకుంటుంది అని అందరూ భావిస్తున్న వేళ నాగార్జున తమ డేట్ 26 అనే ట్వీట్ వెయ్యడం విచిత్రం. పైగా జూన్ 4 నుంచి “టాక్సిక్” సినిమా తప్పుకొంది.
నిజంగా “పెద్ది” వర్సెస్ “లెనిన్” పోటీ ఉంటుందా? మరోసారి డేట్ ని మారుస్తారా? క్లారిటీ కోసం కొన్ని రోజులు ఆగాలి.
