మృణాల్ ఠాకూర్ (Mrunal Thakur)కి ఇటీవల సరైన సక్సెస్ లేదు. బాలీవుడ్ లో నటించిన “సన్నాఫ్ సర్దార్ 2”, “దో దీవానే షహర్ మే” సినిమాలు ఫ్లాప్ అయ్యాయి. ఇక వచ్చే ఈనెలలో తెలుగులో ‘డెకాయిట్’ (Dacoit) విడుదల కానుంది. ఈ సినిమా కూడా అనేకసార్లు వాయిదాపడింది.
అందుకే కెరీర్ సక్రమంగా ఉండాలి అని ఆమె పూజలు చేస్తోంది.
తాజాగా ఆమె పూణేలోని శ్రీమంత్ దగడుశెత్ హల్వాయి గణపతి మందిరాన్ని (Shreemant Dagdusheth Halwai Ganpati Mandir) సందర్శించింది. ఆ ఫోటోలని తన ఇన్స్టాగ్రామ్ హ్యాండిల్లో పోస్ట్ చేసింది.
ఆమె సాంప్రదాయ ఎరుపు రంగు దుస్తులలో కనిపించింది. గణేశుడి ముందు చేతులు జోడించి నిలబడి ఫోటోలకు పోజులిచ్చింది. “నేను పూణే వచ్చి బప్పా దర్శనం చేసుకోకపోతే ఎలా?” అని క్యాప్సన్ రాసుకొంది మరాఠీలో. మృణాల్ ఠాకూర్ పుట్టింది, పెరిగింది ముంబైలోనే. ఆమె పక్కా మహారాష్ట్రియన్.
తెలుగు, హిందీల్లో తన మార్కెట్ బాగుండాలి అని ఆమె పూజలు చేస్తోంది. ఒకవైపు ధనుష్ తో అఫైర్ అనే రూమర్లు, మరోవైపు సినిమాలు ఫ్లాప్ అవుతుండడంతో ఆమె ఇలా గుళ్ల చుట్టూ తిరుగుతోంది.
