రాజమౌళి – మహేష్ బాబు కాంబినేషన్లో రూపొందుతోన్న మొదటి చిత్రం… వారణాసి (Varanasi). ఈ సినిమా షూటింగ్ ప్రస్తుతం హైదరాబాద్ లో ప్రత్యేకంగా వేసిన సెట్ లో జరుగుతోంది. తాజాగా ఈ సెట్ నుంచి ఒక యాక్షన్ సీన్ కి సంబంధించిన క్లిప్ లీక్ అయింది.
సుడులు తిరుగుతున్న గంగా నదిలో తెప్పలు, పడవల్లో వెళ్తున్న జనం, వాటి మధ్యలో మహేష్ బాబు ఉన్న ఒక సీన్ ప్రస్తుతం చక్కర్లు కొడుతోంది.
వారణాసి సినిమా సెట్ నుంచి ఇప్పటికే చాలా లీకులు వచ్చాయి. తాజాగా ఇప్పుడు కీలకమైన యాక్షన్ ఎపిసోడ్ కు సంబంధించిన సన్నివేశం ఇలా బయటికి వచ్చింది.
ఐతే రాజమౌళి సినిమాలకు ఈ లీకులు పెద్దగా ప్రభావం చూపవు. ఆయన సినిమాల్లో గ్రాఫిక్స్ తోడై, కీరవాణి సంగీతం కలిసిన తర్వాత కలిసే మేజిక్ వేరు. సాధారణంగా చూసే సెట్ సీన్లతో పెద్దగా మజా ఉండదు. అందుకే, రాజమౌళి ఈ లీకుల విషయంలో ఇబ్బంది పడడం లేదు.
రాజమౌళి ఈ సినిమాతో గ్లోబల్ మార్కెట్ కొల్లగొట్టాలని ప్లాన్ వేశారు. వచ్చే ఏడాది ఏప్రిల్ 6న “వారణాసి” సినిమా విడుదల అవుతుంది. షూటింగ్ దశలోనే విదేశీ జర్నలిస్టులకు ఇంటర్వ్యూలు ఇచ్చేసి ఇప్పటికే హాలీవుడ్ లో ప్రమోషన్ షురూ చేశారు.
మహేష్ బాబు సరసన ప్రియాంక చోప్రా నటిస్తోంది. మాధవన్, పృథ్వీరాజ్ సుకుమారన్ , ప్రకాష్ రాజ్ ఇతర పాత్రల్లో నటిస్తున్నారు.
