మృణాల్ ఠాకూర్ (Mrunal Thakur) ఇటీవల సినిమాలతోనే కాదు తన వ్యక్తిగత జీవితానికి సంబంధించిన విషయాలతోనూ వార్తల్లో నిలుస్తోంది. హీరో ధనుష్ తో ప్రేమాయణం అనే పుకారు షికారు చేసింది. ఫిబ్రవరి 14న పెళ్లి చేసుకోబుతున్నారు అని తెగ వార్తలు వచ్చాయి. కానీ ఫిబ్రవరి 14 వచ్చింది, పోయింది కానీ వారి పెళ్లి జరగలేదు. దాంతో, ఆమె పెళ్లి, ప్రేమ వార్తలు అక్కడితో స్టాప్ పడ్డాయి.
ఐతే నిన్న (ఏప్రిల్ 12) ప్రముఖ నిర్మాత అల్లు అరవింద్ (Allu Aravind) చేసిన ఒక కామెంట్ తో మళ్ళీ ఆమె పెళ్లి ఫోకస్ లో పడింది.
“నేను ఇంతకుముందు ఒక హీరోయిన్ ని దీవించాను. ఆమె మా వరుణ్ తేజ్ ని పెళ్లాడింది. ఇప్పుడు మృణాల్ ఠాకూర్ ఇక్కడే పెళ్లి చేసుకొని సెటిల్ అవ్వాలని కోరుకుంటున్నాను,” అని అల్లు అరవింద్ కామెంట్ చేశారు.
అరవింద్ ఊరికే అలా అనలేరు. ఆయనకి ఆమె “మేటర్” తెలిసే ఉంటుంది. ఆమె ఎవరో ఒకరితో ఆల్రెడీ ప్రేమలో ఉంది, త్వరలోనే అతన్ని పెళ్లి చేసుకుంటుంది, ఆ వ్యక్తి ఎవరో అరవింద్ కి చూచాయగా తెలుసు కాబట్టి అలా దీవించారు అని అంటున్నారు.
మరి ఆ లోకల్ హీరో, ఆమె చేసుకోబోయే వ్యక్తి ఎవరు? ధనుష్ నే? లేక మరో యువ హీరోనా? త్వరలోనే ఆమె పెళ్లి కబురు వింటాం.
