నారా రోహిత్ (Nara Rohithi) సినిమాల నుంచి గ్యాప్ తీసుకున్నాడు. ‘సుందరకాండ’ సినిమా తర్వాత అతడు మళ్లీ కొత్త ప్రాజెక్టులు చేపట్టలేదు. ఈ గ్యాప్ లో పర్సనల్ లైఫ్ పై దృష్టి పెట్టాడు. పెళ్లి చేసుకొని వైవాహిక బంధంలోకి అడుగుపెట్టాడు. త్వరలోనే తండ్రి కూడా కాబోతున్నాడు.
ఇలా సినిమాలకు దూరమైన నారా రోహిత్, త్వరలోనే క్రియాశీల రాజకీయాల్లోకి అడుగుపెడతాడని అంతా భావించారు. అతడు కూడా రాజకీయాలపై ఆసక్తి కనబరిచాడు. రేపోమాపో పాలిటిక్స్ లోకి ఎంటర్ అవుతానని విస్పష్ట ప్రకటన చేశాడు. ఇలా అంత అతడి పొలిటికల్ ఎంట్రీ గురించి ఆసక్తిగా ఎదురుచూస్తున్న వేళ, సినిమా ప్రకటించాడు నారా రోహిత్.
కొత్త దర్శకుడ్ని పరిచయం చేస్తూ, భరత్ చౌదరి నిర్మాతగా సినిమా ప్రకటించాడు నారా రోహిత్. ఇదొక కామెడీ రొమాంటిక్ ఎంటర్ టైనర్. జానర్ పాతదైనప్పటికీ పాయింట్ కొత్తగా ఉండడంతో ఓకే చెప్పాడు. త్వరలోనే ఈ సినిమా సెట్స్ పైకి అడుగుపెట్టబోతున్నాడు.
సో.. నారా రోహిత్ ప్రస్తుతానికి నో పాలిటిక్స్, ఓన్లీ సినిమా.
