పవన్ కళ్యాణ్ భార్య అన్నా కొణిదెల (Anna Konidela aka Anna Lezhneva) ఇటీవల ఇన్ స్టాగ్రామ్ అకౌంట్ ఓపెన్ చేశారు. దాంతో వరుసగా తన ఫోటోలు, వీడియోలు, మంచి మంచి పోస్టులు పెడుతున్నారు. తాజాగా తన భర్త పవన్ కళ్యాణ్ తో పాటు తీన్ మార్ లో నటించిన డానా మార్క్స్ (Dana Marks) ఫోటోని షేర్ చేసింది. ఆ ఫొటోలో ఉన్నది తాను కాదు అని క్లారిటీ ఇచ్చింది.
“ఆమె నేను కాదు,” అని ఫోటో షేర్ చేసి క్లారిటీ ఇచ్చింది. అలాగే మరో ఫోటో పెట్టిన, ఇది నేను అంటూ క్లారిటీ ఇచ్చింది. ఈ కొత్త ఫొటోలో ఆమె జిమ్ లో కష్టపడుతూ ఉంది.
తన జీవితంలో ఎప్పుడూ ఒక మోడల్ లా, హీరోయిన్ లా స్లిమ్ గా లేను అని తెలిపింది. “ఎందుకో తెలీదు అందరూ డానా మార్క్స్ ఫోటోని చూసి నేను ఏమో అనుకోని పొరపడ్డారు. కానీ ఆమె నేను కాదు,” అని క్లారిటీగా తెలిపింది.
పవన్ కళ్యాణ్ సరసన పలువురు ఫారిన్ భామలు నటించారు “తీన్ మార్” చిత్రంలో. అదే సమయంలో అన్నాతో పవన్ కళ్యాణ్ ప్రేమలో పడ్డారు. ఆ తర్వాత ఆమెని పెళ్లి చేసుకున్నారు. అందుకే, ఆ డాన్ మార్క్స్ అనే ఫారిన్ నటిని అన్నా అని అందరూ పొరపడ్డారు. చాన్నాళ్ళూ అన్నా గురించి రాసేటప్పుడు మీడియా ఆ ఫోటోని ప్రచురించేది. ఇప్పుడు అందరికీ క్లారిటీ వచ్చింది.
పవన్ కళ్యాణ్ రేణు దేశాయికి విడాకులు ఇచ్చాక అన్నాని పెళ్లి చేసుకున్నారు. పవన్ కళ్యాణ్ డిప్యూటీ సీఏం అయ్యాక ఆమె పూర్తిగా భర్తతోనే ఉంటున్నారు. గతంలో కొన్నాళ్ళు రష్యాలో, సింగపూర్ లో ఉండేవారు. ఇప్పుడు పూర్తిగా హైదరాబాద్ కి షిప్ట్ అయ్యారు. అటు హైదరాబాద్ లోనూ, అప్పుడప్పుడు అమరావతిలోనూ ఉంటారు. ఆమెకి ఇద్దరు పిల్లలు, ఒక బాబు, ఒక కూతురు.
కొడుకు మార్క్ శంకర్ సింగపూర్ లో చదువుతుండగా స్కూల్లో ప్రమాదం జరగడంతో మొత్తం ఫ్యామిలీని ఇక్కడికి షిఫ్ట్ చేయించారు పవన్ కళ్యాణ్. తాజాగా అన్నా అటు బరువు తగ్గే ప్రయత్నం చేస్తూ ఇటు ఇన్ స్టాగ్రామ్ లో మంచి మంచి పోస్టులు చేస్తూ బిజీగా ఉన్నారు.
