ప్రభాస్ నటించిన “ది రాజా సాబ్” మూడేళ్ళ పాటు షూటింగ్ జరిపిన తర్వాత విడుదల అవుతోంది. ఈ సంక్రాంతి కానుకగా వచ్చే వారం (జనవరి 9న) విడుదల కానుంది. ఒకటి విడుదలవుతోంది. మరోటి ఈ ఏడాది చివర్లో రావడం పక్కా.
దర్శకుడు హను రాఘవపూడి తీస్తున్న “ఫౌజీ” షూటింగ్ సగభాగం పూర్తి అయింది. ఈ సినిమాని ఆగస్టు 15న విడుదల చెయ్యాలా లేక డిసెంబర్ లో విడుదల చెయ్యాలా అనే విషయంలో ఇంకా తర్జన భర్జన పడుతున్నారు. 2026లో విడుదల కావడం మాత్రం పక్కా.
ఈ రెండు సినిమాలు ఈ ఏడాది విడుదల ఐతే వచ్చే ఏడాది “స్పిరిట్” సినిమా వస్తుంది. ప్రస్తుతం షూటింగ్ జరుగుతోంది. దర్శకుడు సందీప్ రెడ్డి వంగా తీస్తున్న “స్పిరిట్”కి ఇంకా డేట్ ఫిక్స్ చెయ్యలేదు. కానీ వచ్చే ఏడాది విడుదల అవుతుంది.
ప్రభాస్ ఇంతకుముందు చాలా సినిమాలు ఒప్పుకున్నాడు. ఇప్పుడు అన్నీ స్ట్రీమ్ లైన్ అవుతున్నాయి. 2026లో గతంలో ఒప్పుకున్న సినిమాలన్నీ పూర్తి అవుతాయి. ఇంకా కొత్తగా రెండు సీక్వెల్స్ మొదలుపెట్టాలి. ఒకటి కల్కి 2, రెండోది సలార్ 2.
