బైకర్ (Biker) సినిమా ట్రైలర్ ఈ రోజు విడుదలైంది. శర్వానంద్, మాళవిక నాయర్, రాజశేఖర్ ప్రధాన పాత్రల్లో నటిస్తోన్న ఈ సినిమా వచ్చే నెల 3న విడుదల కానుంది. ఈ సినిమా ట్రైలర్ లాంచ్ ఈవెంట్ లో ప్రముఖ నిర్మాత దిల్ రాజు (Dil Raju) కొన్ని ఆసక్తికర కామెంట్స్ చేశారు.
ఇదీ కూడా చూడండి: Biker Trailer: Sharwanand packs speed, emotion in action ride
ఈవెంట్ కి వచ్చిన అభిమానులని దిల్ రాజు ప్రశ్న అడిగారు. 2026లో మీకు నచ్చిన సినిమాలు ఏవో చెప్పమని అడిగారు. వాళ్ళు… ధురంధర్ 2, మన శంకర వరప్రసాద్ గారు, నారీ నారీ నడుమ మురారి సినిమాలను ప్రస్తావించారు.
“నేను ఎందుకు అడుగుతున్నాను అంటే ఈ రోజుల్లో టీజర్ విడుదల చేసినప్పుడే జనం జడ్జి చేసేస్తున్నారు. ఈ సినిమా చూడాలా వద్దా అని. అందుకే మాకు కంటెంట్ విడుదల చేస్తున్నప్పుడే పరీక్ష మొదలవుతోంది. సినిమా విడుదల తర్వాత వచ్చే రిజల్ట్ కన్నా ముందే జనం ప్రమోషనల్ కంటెంట్ కి ఎలా స్పందిస్తున్నారో అనే టెన్షన్ స్టార్ట్ అవుతోంది,” అని దిల్ రాజు ప్రస్తుత ఫిలిం మేకింగ్ ట్రెండ్స్ గురించి తెలిపారు.
