మిరాయి సినిమాతో ఒక హిట్ ని ఖాతాలో వేసుకున్న రితిక నాయక్ (Ritika Nayak)కి అవకాశాలు పెరుగుతున్నాయి. ఈ భామ ఇప్పటికే వరుణ్ తేజ సరసన “కొరియన్ కనకరాజు” సినిమా పూర్తి చేసింది. ఈ మూవీ విడుదలకు సిద్ధంగా ఉంది.
తాజాగా ఆమె మరో సినిమా ఆఫర్ అందుకొంది.
సితార ఎంటర్టైన్మెంట్స్ బ్యానర్పై నితిన్ (Nithiin) ఒక కొత్త ప్రాజెక్ట్కు సిద్ధమవుతున్నాడు. త్వరలోనే లాంచ్ కాబోతున్న ఈ సినిమాలో నితిన్ సరసన రితికా నాయక్ను కథానాయికగా ఎంపిక చేసినట్లు సమాచారం.
ఇద్దరు కొత్త దర్శకులు కలిసి తీస్తున్న సినిమాతో గట్టి హిట్ కొట్టాలని నితిన్ భావిస్తున్నాడు. ఈ సినిమాపై నితిన్ భారీ ఆశలు పెట్టుకున్నట్లు చెబుతున్నారు. అతనికి లక్కీ హీరోయిన్ గా రితికా అవతరిస్తుందా అనేది చూడాలి.
