ది రాజాసాబ్ సినిమా విడుదలకు ముందు నిధి అగర్వాల్ చాలా జోష్ లో ఉంది. కొత్తగా మూడు సినిమాలు ఒప్పుకున్నాను అని తెలిపింది. త్వరలోనే ఆ మూడు సినిమాల గురించి నిర్మాతలే చెప్తారు అని చెప్పింది నిధి.
‘ది రాజా సాబ్’ విడుదలై అపజయం పాలు అయింది. దాంతో, ఆ సినిమాలో నటించిన ఏ హీరోయిన్ కి మళ్ళీ కొత్త ఆఫర్ రాలేదు. నిధి అగర్వాల్ చెప్పిన ఆ మూడు సినిమాల ఊసు లేదు ఎప్పుడు. ఆమె నిజంగానే ఒప్పుకున్నా కూడా అవి ఇప్పుడు ప్రకటిస్తారా లేదా అనేది చూడాలి.
ALSO CHECK: Nidhhi Agerwal dazzles in white
నిధి అగర్వాల్ అటు హరి హర వీర మల్లు, ఇటు ది రాజా సాబ్ సినిమాల మీద ఫోకస్ పెట్టి వేరే సినిమాలను ఒప్పుకోలేదు. ప్రభాస్, పవన్ కళ్యాణ్ వంటి పెద్ద హీరోల సరసన నటిస్తే కెరీర్ జూమ్ అంటూ ఎగిరిపోతుంది అనుకొంది. కానీ రెండూ ఫ్లాప్ కావడంతో ఆమె అంచనాలు తారు మారు అయ్యాయి.
ఆ సినిమాలు షూటింగ్ దశలో ఉన్నప్పుడు కొందరు నిర్మాతలు, దర్శకులు ఆమెని తమ కొత్త సినిమాల్లో తీసుకోవాలని భావించి ఉంటారు. ఆమె డేట్స్ అడిగి ఉంటారు. దాంతో ఆమె మూడు సినిమాలు ఒప్పుకున్నట్లు చెప్పింది. ఐతే, ఆమెని తమ సినిమాల్లో తీసుకుంటామని చెప్పిన నిర్మాతలు ఇప్పటివరకు ప్రకటనలు చెయ్యట్లేదు. మరి ఆ సినిమాలు ఆమెకి నిజంగా దక్కుతాయా? ఆమె కూడా వెయిట్ చెయ్యాలిసిందే.
