Dhurandhar 2 Telugu: బాలీవుడ్ చిత్రం “ధురంధర్” ఇండియాలో అన్ని హిందీ సినిమా రికార్డులను బద్దలుకొట్టింది. దాంతో దాని రెండో భాగం ”ధురంధర్: ది రివెంజ్”పై విపరీతమైన క్రేజ్ ఏర్పడింది. ఈ సినిమా ఈ ఏడాది మార్చి 19న విడుదల కానుంది. తెలుగులో కూడా విడుదల కానుంది.
కానీ అదే రోజు “టాక్సిక్” కూడా రానుంది. ఈ సినిమా హక్కులను దిల్ రాజు తీసుకున్నారు. ఆయన తెలంగాణ, ఆంధ్రప్రదేశ్ లో పెద్ద ఎత్తున విడుదల చెయ్యనున్నారు. అంతే కాదు దాదాపుగా అన్ని థియేటర్లని బ్లాక్ చేస్తున్నారు. దాంతో, “ధురంధర్: ది రివెంజ్”కి సరైన థియేటర్లు తెలుగునాట దక్కుతాయా అన్న అనుమానాలు మొదలయ్యాయి.
“ధురంధర్ 2” చిత్రాన్ని జియో స్టూడియోస్ స్వయంగా తెలుగులో డిస్ట్రిబ్యూట్ చేస్తోంది. మొదటి చిత్రం తెలుగులో విడుదల కాలేదు కానీ ఈ రెండో చిత్రానికి ఉన్న క్రేజ్ ని దృష్టిలో పెట్టుకొని దక్షిణాది భాషల్లో భారీ ఎత్తున విడుదల చేస్తున్నారు. కానీ హైదరాబాద్ లో ఈ సినిమాకి థియేటర్లు ఎక్కువగా దొరకకపోవచ్చు.
టాక్సిక్ సినిమాకి పెద్ద హైప్ లేదు. కానీ విడుదల సమయానికి రావాల్సినంత, కావాల్సినంత ప్రచారం దక్కుతుంది అని దిల్ రాజ్ నమ్మకం.
