సుడిగాలి సుధీర్ హీరోగా నటిస్తున్నతాజా చిత్రం .. గోట్ (GOAT… Greatest Of All Times). దివ్యభారతి హీరోయిన్గా నటిస్తున్న ఈ చిత్రానికి వేదవ్యాస్ దర్శకుడు. మహాతేజ క్రియేషన్స్ అండ్ జైష్ణవ్ ప్రొడక్షన్స్ సంయుక్తంగా నిర్మిస్తున్న ఈ చిత్రానికి చంద్రశేఖర్ రెడ్డి మొగుళ్ళ నిర్మాత.
ప్రస్తుతం నిర్మాణానంతర పనులను జరుపుకుంటోన్న ఈ చిత్రం మార్చి 26న ప్రపంచవ్యాప్తంగా రిలీజ్ కానుంది. త్వరలోనే ఈ చిత్రం ట్రైలర్ను కూడా విడుదల చేయడానికి సన్నాహాలు చేస్తున్నారు.
“పూర్తి కమర్షియల్ అంశాలతో తెరకెక్కుతోన్న ఈ చిత్రంలో నేటి యువతను ఆలోచింపజేసే ఓ మంచి విషయం కూడా దాగి ఉంటుంది. తప్పకుండా ఈ చిత్రం అందర్ని అలరిస్తుందనే నమ్మకం ఉంది,” అని అన్నారు నిర్మాత.
సుడిగాలి సుధీర్ ఈ సినిమా విషయంలో నమ్మకంగా ఉన్నారు.
