మక్కల్ సెల్వన్ విజయ్ సేతుపతి – దర్శకుడు పూరి జగన్నాథ్ కలయికలో సినిమా అనౌన్స్ అయినప్పటి నుంచే ప్రేక్షకుల్లో ఆసక్తి మొదలైంది. ఈ ప్రాజెక్ట్కు సంబంధించిన టైటిల్, ఫస్ట్ లుక్ విషయంలో మేకర్స్ చాలాకాలంగా ఉత్కంఠ కొనసాగించారు.
ఆ ఉత్కంఠకు ఇప్పుడు తెరపడింది. కనుమ పండుగతో పాటు విజయ్ సేతుపతి పుట్టినరోజు సందర్భంగా సినిమా నుంచి ప్రత్యేక అప్డేట్ విడుదలైంది. ఈ చిత్రానికి “Slum Dog – 33 Temple Road” అనే టైటిల్ను ఖరారు చేస్తూ, హీరో ఫస్ట్ లుక్ను మేకర్స్ రిలీజ్ చేశారు.
ఫస్ట్ లుక్లో విజయ్ సేతుపతి అంధుడిగా కనిపించగా, చేతిలో కత్తి పట్టుకున్న ఆయన గెటప్ సినిమాపై ఆసక్తిని మరింత పెంచుతోంది. ఈ పాత్ర ద్వారా పూరి జగన్నాథ్ ఒక డిఫరెంట్ కథను ప్రేక్షకుల ముందుకు తీసుకురాబోతున్నాడనే సంకేతాలు కనిపిస్తున్నాయి.
ఈ సినిమాకు హర్షవర్ధన్ రామేశ్వర్ సంగీతం అందిస్తుండగా, పూరి జగన్నాథ్ మరియు ఛార్మీ సంయుక్తంగా నిర్మాణ బాధ్యతలు నిర్వహిస్తున్నారు.
